मिति २०७६/१२/०९ गते मर्स्याङ्गदी नदीमा यात्रु बाहक बस दुर्घटना भएको ।

मिति २०७६/१२/०९ गते अन्दाजि १८:१५ बजेको समयमा जिल्ला तनहुँ आँबुखैरेनी गा.पा. -२ ऐना पार्क स्थित पोखराबाट दाङ्गको लागी रिजर्भ हिँडेको ना. ५ ख. नम्बरको यात्रुबाहक बस सडकबाट अन्दाजि ४०० मिटर तल मर्स्याङ्गदी नदीको किनारमा खसि दुर्घटना भएको भन्ने खबर प्राप्त हुनासाथ यस शिक्षालयबाट स.प्र.नि. जिवनलाल बुढाको कमाण्डमा १/१७ जनाको गोताखोर सहित उद्धार टोली १८:३५ बजेको समयमा उक्त घटनास्थलमा खटिई गई घटनास्थलबाट १९ जना घाईतेको उद्धार गरी चितवन मेडिकल कलेज (CMC) भरतपुरतर्फ पठाईएको, ९ जना घाईतेलाई छिम्केश्वरी अस्पताल आँबुखैरेनीमा पठाईएको र उक्त बसमा सवार ३ जना मृतकको शवलाई ईलाका प्रहरी कार्यालय आँबुखैरेनीबाट खटि आएको नेपाल प्रहरीको टोलिलाई बुझाईएको जस मध्ये मृत्यु हुने एक जना जिल्ला कास्की पोखरा महानगर पालिका -२४ बस्‍ने वर्ष ४१ को टहल गिरी रहेको र बाकी २ जनाको सनाखत हुन नसकेको ।